X icon
Want to visit your Registered Provider Dashboard?
Sign In
Sign In To Registered Provider Dashboard

Grove Roots

Nā Noel Woods (Te Ātiawa/Ngāti Porou) te rōpū Grove Roots i whakatū i te tau 2006 kei Waiwhetū. Ko tōna manako ka tū a Grove Roots hei waka kawe tangata, kawe kaupapa, kawe waiata hoki.
Ehara a Grove Roots i te pēne noa, engari he kāhui tāngata e whaia ana te mahi whakangahau me ōna āhuatanga katoa.

Kua eke rūrua tō rātou waiata tuatahi, 'Tau Hou Māori', me tō rātou waiata tuarua, arā 'Te Kura', ki te tihi o te Taumata Waiata Reo Māori.

E ai ki a Noel, ko tō rātou puna angitu, ko ngā korokoro Tūī a Sianne Dougherty, Amba Holly rātou ko Ihaka Tukapua. Ka haere tonu ngā mihimihi ki ngā pūkenga a Neha Gate, Thomas Te Taite rātou ko Zane Graham hoki.

Ko ngā rangi tūhāhā te mutunga mai mō Noel Woods, te kaiwhakatū kaupapa a Grove Roots. Kei roto i a rātou waiata, ka rangona ngā rāwekeweketanga-ā-rangi me te whakamahi i ngā taonga puoro hoki. Ka mutu, ko te reo Māori te reo kawe, ā ko te reo te take!

Tarea ake te kōpae hou a Grove Roots e haere ake nei i tēnei tau, 2017.   

More News